Plantun de Prouvènço

Pèr coumpara dos planto d'encò nostre

Ranunculus trichophyllus subsp. eradicatus & Panicum barbipulvinatum

Ranunculus trichophyllus subsp. eradicatus

Ranunculaceae

Nom en français : Renoncule déracinée.

Descripcioun :
Aquéu ranouncle d'aigo trachis dins li lau d'auto mountagno. Fai qu'uno souleto meno de fueio, de multifido souto l'aigo, que fan pas mai de 4 cm. Li pecou soun long de 4 à 6 cm. Se destrìo de la subsp. trichophyllus que s'atrovo pu bas, que fai de racino à tóuti li nous de la planto (vèire li fotò), acò pòu pas engana.

Usanço :
Coume tóuti li ranouncle, es uno planto empouisounanto.

Port : Erbo
Taio : 10 à 40 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour :
Petalo : 5
Ø (o loungour) enflourejado : 5 à 8 mm
Flourido : Printèms - Estiéu

Sòu : Si
Autour basso e auto : 700 à 2800 m
Aparado : Noun
Mai à avoust

Liò : Lau - Tourbiero - Mueio
Estànci : Subaupen à Aupen
Couroulougi : Artico-Aupenco
Ref. sc. : Ranunculus trichophyllus subsp. eradicatus (Laest.) C.D.K.Cook, 1967

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.